Ֆիզիկա/Թեստեր/2

Ուղղագիծ հավասարաչափ շարժում: Ուղղագիծ հավասարաչափ շարժման արագություն: Ուղղագիծ հավասարաչափ շարժման արագության ու տեղափոխության պրոյեկցիաների և կոորդինատի՝ ժամանակից կախման բանաձևը և գրաֆիկները

Ո՞ր շարժումն է ուղղագիծ հավասարաչափ:

Այն շարժումը, որի ժամանակ մարմնի հետագիծն ուղիղ գիծ է, այն միշտ շարծվում է նույն ուղղությամբ, ցանկացած հավասար ժամանակամիջոցում անցնում է հավասար ճանապարհ, կոչվում է ուղղագիծ հավասարաչափ շարժում:
Տալ ուղղագիծ հավասարաչափ շարժման արագության սահմանումն:

Ուղղագիծ հավասարաչափ շարժման արագություն է կոչվում ցանկացած հավասար ժամանակամիջոցում մարմնի կատարած տևափոխության և այդ ժամանակամիջոցի հարաբերությանը:
Ի՞նչ միավորով է արտահայտվում արագությունը միավորների միջազգային համակարգում (այսուհետև՝ ՄՀ-ում) և ո՞րն է այդ միավորի ֆիզիկական իմաստը:

Եթե ուղղագիծ հավասարաչափ շարժվող մարմինը 1վ-ում տևափոխվում է 1մ-ով, ապա նրա շարժման արագությունը հավասար կլինի 1 միավորի (1 մ/վ): Այդպիսի շարժման արագությունն էլ հենց ընդունվում է որպես արագության միավոր ՄՀ-ում:
$[v] = \frac{[s]}{[t]} = 1$ մ/վ
Գրել ուղղագիծ հավասարաչափ շարժվող նյութական կետի x կոորդինատի՝ ժամանակից կախումն արտահայտող բանաձևը:

$x = x_{0} + v_{0 x} t$
Գծել ուղղագիծ հավասարաչափ շարժվող նյութական կետի x կոորդինատի՝ ժամանակից կախումն արտահայտող գրաֆիկը, եթե նյութական կետը հեռանում է կոորդինատների սկզբնակետից:

Պատկեր:Physics graph 1.jpg
Ի՞նչ է նկարագրում նկ.1-ում X առանցքի վրա գտնվող նյութական կետի կոորդինատի՝ ժամանակից կախումն արտահայտող գրաֆիկը:

նկ.1
Պատկեր:Physics graph 2.jpg
Այս գրաֆիկից երևում է, որ մարմինը գտնվում է դադարի վիճակում:
Գծել ուղղագիծ հավասարաչափ շարժվող կետի արագության պրոյեկցիայի՝ ժամանակից կախվման գրաֆիկը:

Պատկեր:Physics graph 3.jpg
Ինչի՞ մասին է վկայում նկ.2-ում X առանցքի վրա գտնվող նյութական կետի կոորդինատի՝ ժամանակից կախումն արտահայտող գրաֆիկը:

նկ.2
Պատկեր:Physics graph 4.jpg
Այս գրաֆիկից երևում է, որ մարմինը $x_{0}$ կետից, դրական ուղղությամբ սկսում շարժվել ուղղագիծ հավասարաչափ:

Ֆիզիկա/Թեստեր/2

Նավարկման ցանկ

Որոնում